रहेनन् गुज्नगर हाटबजारका अध्यक्ष गुरुङ

  गुञ्जनगर,४ असोज । भरतपुर १८ मा रहेको गुञ्जनगर कृषि हाटबजार एवं रुखेनी डिपटुयुवेलका अध्यक्ष पूर्ण वहादुर गुरुङ को निधन भएको छ ।

। बिगत १ वर्षदेखि अर्वुद्ध रोगका कारण विरामी उनको ७९ वर्षको उमेरमा शनिवार भरतपुर १८ भिमेश्वर टोल स्थित निवासमा निधन भएको हो ।

नेपाली सेनाका रिटार्यड हवल्दार समेत रहेका उनी भिमेश्वर टोल विकास सस्थाका पूर्व अध्यक्ष समेत हुन् । नेपाली कांग्रेसको सकृय सदस्य समेत रहेका उनी धेरै सामाजिक संघसस्थामा आवद्ध रहेका थिए । उनको पार्थिव शरिरमा निवासमा काग्रेसको ४ तारे झन्डा समेत ओढाइएको थियो ।

कांग्रेस भरतपुर १८को आयोजनामा भएको श्रद्धान्जली अर्पण कार्यक्रममा भरतपुर १८ को पूर्व वडा अध्यक्ष दिपक लामा , कांग्रेस चितवनका जिल्ला सदस्यहरु अमर बहादुर तमागं , ज्योसना अधिकारी , वडा सभापति रामकृष्ण पन्डित ,जेष्ठनागरिक संघका अध्यक्ष हरि प्रसाद न्यौपानेलगायतका नेता तथा कार्यक्रताको उपस्थिती रहेको थियो ।

उनको निधनप्रति स्थानीय तथा राजनीतिक क्षेत्रले गहिरो दुःख व्यक्त गरेका छन्। उनको श्रीमती , २ छोरा र १ छोरी हुनुहुन्छ ।